Question 1

Hvernig virkar læknisþjónustan?

Accepted Answer

Læknisþjónusta frá læknum Fjarlækninga er aðgengileg í gegnum heimasíðu Fjarlækninga, þar sem þér hentar. Þar færð þú meðferðarúrræði við skilgreindum, algengum vandamálum. Með Fjarlækningum færð þú þægilegri leið til læknis þar sem þú færð niðurstöðu læknis, og lyfseðil ef við á, innan 2 klukkustunda alla daga milli 10:00–22:00.

Þú ferð í gegnum ferli þar sem þú svarar stöðluðum spurningum læknis um þig og þína heilsu. Þegar þú hefur lokið við að svara spurningum greiðir þú sama og komugjald á heilsugæslu og erindi þitt fer áfram til læknis. Læknir Fjarlækninga veitir þér sérsniðið meðferðarúrræði og niðurstaðan þín birtist í sjúklingagáttinni þar sem þú getur nálgast meðferðarúrræði og skilaboð frá lækni. Ef greining gefur til kynna að þörf sé á uppáskrifuðu lyfi færð þú einnig sendan lyfseðil í lyfjagáttina sem hægt er að leysa út í næsta apóteki.

Question 2

Hvaða læknisfræðilegu vandamál leysir þjónusta Fjarlækninga?

Accepted Answer

Fjarlækningar veita læknisþjónustu við eftirfarandi vandamálum: Kvef, hósti og hálsbólga: Einfaldar öndunarfærasýkingar, hálsbólga, ennis- og kinnholusýkingar Þvagfæra- og leggangasýkingar: Þvagfærasýkingar kvenna, sveppasýkingar í leggöngum og bakteríusýkingar í leggöngum Risvandamál Frunsa (ekki frumgreining) Ristill í húð (ekki frumgreining) Njálgur: Lausn fyrir alla fjölskyldumeðlimi Frjókornaofnæmi Lyfjaendurnýjanir: Þjónustan gerir þér kleift að endurnýja lyf sem þú notar að staðaldri. Ekki er hægt að endurnýja öll lyf í gegnum þessa þjónustu — þú færð leiðbeiningar um hvaða lyf er ekki hægt að endurnýja þegar þú ferð í gegnum ferlið. Læknisvottorð: Veikindavottorð til vinnuveitanda og skóla. Þessi þjónusta er einungis í boði fyrir þá sem þurfa fjarvistarvottorð tengt vandamáli sem hefur verið afgreitt í gegnum fjarlækningaþjónustuna.

Question 3

Hvað kostar læknisþjónusta Fjarlækninga?

Accepted Answer

Læknisþjónusta Fjarlækninga er sambærileg og koma á heilsugæslu, en þú greiðir einungis komugjald 1.000 kr. fyrir erindi líkt og á heilsugæslu. Gjald fyrir veikindavottorð er samkvæmt gjaldskrá heilsugæslunnar.

Question 4

Fyrir hvern er þjónustan?

Accepted Answer

Læknisþjónustan er aðgengileg fyrir 18 ára og eldri sem eru með rafræn skilríki. Nánari upplýsingar um hvar þjónustan er aðgengileg má finna hér: https://www.fjarlaekningar.is/thjonusta

Question 5

Hvernig get ég nýtt mér læknisþjónustuna?

Accepted Answer

Læknisþjónusta Fjarlækninga er aðgengileg í gegnum heimasíðu Fjarlækninga með því að smella á „sjúklingagátt“ og heimasíðu HSU: https://island.is/s/hsu

Question 6

Er þjónustan örugg lausn á læknisfræðilegum vandamálum?

Accepted Answer

Læknisþjónusta Fjarlækninga leiðir þig í gegnum staðlaðar spurningar byggðar á sannreyndum læknisfræðilegum aðferðum sem safna ítarlegum upplýsingum um þig, þína sögu og heilsu, sem læknir nýtir svo til greiningar. Allt ferlið er þróað í samstarfi við sérfræðilækna. Með því að svara stöðluðum spurningum frá lækni veitir þú þær upplýsingar sem læknir þarf til að geta tekið ákvörðun um greiningu og meðferð á þínu tiltekna vandamáli. Læknisfræðilegir ferlar tryggja stöðluð vinnubrögð og er fræðsla og ráðgjöf mikilvægur hluti meðferðarúrræða Fjarlækninga. Allar ákvarðanir um greiningu og meðferð eru teknar af lækni sem sinnir þínu erindi. Öll meðhöndlun persónuupplýsinga stenst ströngustu öryggiskröfur landlæknis, sem er jafnframt í samræmi við Evrópulög um meðhöndlun viðkvæmra gagna og unnin í viðurkenndu sjúkraskrárkerfi.

Question 7

Þarf ekki læknisskoðun til að fá lausn?

Accepted Answer

Mörg vandamál eru þess eðlis að læknir þarf ekki nauðsynlega að skoða þig til að veita meðferð. Ítarlegar spurningar um þína líðan og sjúkrasaga þín gera lækninum kleift að greina vandamálið og leggja til meðferð. Fjarlækningar leysa slík vandamál á einfaldan og þægilegan hátt. Það eru þó einstaka tilfelli sem krefjast frekari rannsókna til að meta ástandið enn frekar og auka nákvæmni greiningar, s.s. CRP, streptókokkapróf og þvagprufa. Fjarlækningar leysa slík mál með því að nýta sjálfspróf sem þú getur sótt á þína heilsugæslu eða næsta apótek. Sum vandamál þarfnast skoðunar hjá lækni fyrir örugga greiningu og meðferð. Ef svörin þín við spurningum gefa til kynna að þú þarfnist læknisskoðunar, þá leysa Fjarlækningar ekki málið þitt heldur beina þér í réttan farveg.

Question 8

Hvað ef ég er ekki með rafræn skilríki?

Accepted Answer

Til að tryggja öryggi þitt og upplýsinga þinna er rafræn auðkenning nauðsynleg. Þannig fá læknarnir staðfestingu á því hver óskar eftir þjónustunni.

Question 9

Hvernig fæ ég rafræn skilríki?

Accepted Answer

Þú getur kannað hvort SIM-kortið þitt styður rafræn skilríki. Ef þú ert með rétta tegund af SIM-korti þá geturðu mætt á næsta afgreiðslustað rafrænna skilríkja með gilt ökuskírteini (ekki stafrænt), vegabréf eða íslenskt nafnskírteini og fengið rafræn skilríki í símann þinn.

Question 10

Eru persónuupplýsingar mínar öruggar?

Accepted Answer

Öll meðhöndlun persónuupplýsinga stenst ströngustu öryggiskröfur embættis landlæknis sem er einnig í samræmi við Evrópulög um meðhöndlun viðkvæmra gagna. Fjarlækningar nota öruggt og vottað sjúkraskrárkerfi þar sem upplýsingarnar eru geymdar samkvæmt lögum um heilbrigðisupplýsingar. Öll meðferð persónu- og heilbrigðisupplýsinga hjá Fjarlækningum uppfyllir strangar kröfur um öryggi og persónuvernd samkvæmt íslenskum lögum og evrópskri persónuverndarlöggjöf (GDPR). Fjarlækningar nota öruggt og vottað sjúkraskrárkerfi þar sem heilbrigðisupplýsingar eru varðveittar og meðhöndlaðar í samræmi við gildandi lög og reglur.

Question 11

Get ég endurnýjað alla lyfseðla?

Accepted Answer

Hægt er að endurnýja lyfseðla fyrir lyfjum sem þú tekur að staðaldri. Við vekjum athygli á að sumar lyfjameðferðir þurfa reglulega eftirfylgni, t.d. blóðþrýstingslyf, hjartalyf og kvíða- og þunglyndislyf. Þessi þjónusta kemur ekki í stað reglulegs eftirlits hjá heimilislækni, en er hentugur kostur ef þig vantar skjóta endurnýjun á lyfi. Þú færð lyfseðil í lyfjagáttina þegar læknir hefur lokið yfirferð. Lyfseðilinn er hægt að leysa út í hvaða apóteki sem er. Athugaðu að einungis er hægt að fá einfaldan lyfseðil, þ.e. ekki fjölnota lyfseðil. Við endurnýjun ákveðinna lyfja er nauðsynlegt að tala við lækninn sem hefur áður skrifað upp á slík lyf fyrir þig. Þessi lyf geta til dæmis verið flokkuð sem ávanabindandi, örvandi eða sem geðlyf. Hér er listi yfir öll helstu lyf sem Fjarlækningar geta ekki endurnýjað:

Question 12

Hvað ef ekki fæst lausn á mínu máli?

Accepted Answer

Ef læknar Fjarlækninga geta ekki leyst úr erindinu þínu er þér vísað áfram í viðeigandi þjónustu, til dæmis á heilsugæslu, Læknavakt eða aðra heilbrigðisstofnun.

Question 13

Hvenær get ég ekki fengið niðurstöðu og lausn frá lækni?

Accepted Answer

Ef svör þín eða sjúkrasaga gefa til kynna að öruggasta leiðin sé skoðun hjá lækni, þá færðu upplýsingar og ráð sem hjálpa þér með næstu skref. Ef við eigum ekki lausn fyrir þig greiðir þú ekkert fyrir þjónustuna. Þjónustan er ekki fyrir þau sem telja sig í bráðri lífshættu. Í öllum þjónustuþáttum er spurt ítarlega um alvarleg einkenni og um sjúkdómssögu sem nýtt er til að meta hvort um alvarleg veikindi gæti verið að ræða.

Question 14

Hvað ef ég vil hitta lækninn?

Accepted Answer

Læknisþjónusta Fjarlækninga er einungis stafræn. Ef ástand þitt batnar ekki eða þú versnar er alltaf hægt að fara aftur í gegnum spurningaformið eða fara í læknisskoðun. Ef þú ert ekki sammála niðurstöðu læknis getur þú smellt á „Senda fyrirspurn“ í sjúklingagátt Fjarlækninga.

Question 15

Hvað ef ég er ósátt/ur við niðurstöðu læknis?

Accepted Answer

Ef ástand þitt batnar ekki eða versnar getur þú sent inn nýtt erindi til Fjarlækninga eða leitað til heilsugæslu eða annarrar heilbrigðisstofnunar til frekara mats. Ef þú ert ósammála niðurstöðu læknis eða hefur spurningar eða áhyggjur af henni getur þú smellt á „Senda fyrirspurn“ í sjúklingagátt Fjarlækninga.

Question 16

Er gervigreind að svara mér eða manneskja?

Accepted Answer

Lausnin er hvorki gervigreind né spjallmenni. Læknisþjónustan leiðir þig í gegnum staðlaðar spurningar sem veita ítarlegar upplýsingar um þig, þína sögu og heilsu, sem læknir nýtir svo til greiningar. Allt ferlið er þróað af sérfræðilæknum Fjarlækninga. Allar niðurstöður eru ráðlagðar af lækni, bæði meðferðarúrræði og almennar ráðleggingar tengdar þínum kvilla.

Question 17

Af hverju get ég ekki svarað fyrir barnið mitt?

Accepted Answer

Rétt læknisráðgjöf og öryggi meðferðar skiptir okkur öllu máli og er það læknisfræðilegt mat Fjarlækna að ávallt sé best að fara með börn undir 18 ára í skoðun hjá lækni. Fjarlækningar eru því aðeins fyrir 18 ára og eldri.

Question 18

Af hverju eru ekki fleiri þjónustur eða önnur vandamál?

Accepted Answer

Þjónustuframboðið er metið út frá áhættu og umfangi greiningar. Vandamálin sem við leysum eru einföld og afmörkuð sem þarfnast alla jafna ekki skoðunar læknis. Við vinnum stöðugt að því að útvíkka þjónustuframboð okkar.

Question 19

Er hætta á ofnotkun sýklalyfja með þjónustunni?

Accepted Answer

Markmið þjónustunnar og verklags Fjarlækninga er að tryggja stöðluð vinnubrögð sem byggð eru á læknisfræðilegum ferlum. Ávinningurinn er nákvæmari úrlausn sem gefur skýra mynd af því hvort vandamál krefjist sýklalyfja eða ekki. Staðlaðir ferlar og vinnubrögð eru í raun líklegri til að koma í veg fyrir ofnotkun sýklalyfja. Ofnotkun sýklalyfja er því miður þekkt vandamál í íslensku samfélagi sem og erlendis, en markmið Fjarlækninga er að stuðla að öruggri lyfjameðferð og lyfjanotkun.

Question 20

Er aukin hætta á oflækningum?

Accepted Answer

Þjónustan er þróuð með íslenskum sérfræðilæknum og einnig í nánu samtali við fyrirtæki í sambærilegri fjarheilbrigðisþjónustu á Norðurlöndum. Læknisfræðilegir ferlar sem Fjarlækningar bera ábyrgð á eru til staðar til að koma í veg fyrir oflækningar og ónauðsynlega meðferð skjólstæðinga. Við vinnum markvisst að fræðslu og ráðgjöf til skjólstæðinga því við trúum að upplýsingar og fræðsla um eigin heilsu og heilsutengd vandamál séu lykillinn að betri ákvarðanatöku — þess vegna er góð fræðsla og ráðgjöf hluti af meðferðarúrræðum Fjarlækninga. Með því að svara stöðluðum og mikilvægum spurningum frá lækni veitir þú lækninum þær upplýsingar sem hann þarf til að geta tekið ákvörðun um greiningu og meðferð. Öll ferli eru unnin á læknisfræðilegum forsendum með það að markmiði að veita sem nákvæmasta niðurstöðu og meðferð.

Question 21

Get ég farið oft í gegnum ferlið?

Accepted Answer

Þú getur nýtt þér þjónustuna aftur ef einkennin þín breytast eða ef þú ert með nýtt vandamál. Með því að fara í gegnum þjónustuna staðfestir þú að öllum spurningum sé svarað heiðarlega og eftir bestu getu. Læknirinn hefur yfirsýn yfir þína sjúkrasögu og til þess getur komið að haft verði samband við þig símleiðis ef svör eru óljós.

Question 22

Fæ ég alltaf lausn á mínu máli?

Accepted Answer

Ef svör þín gefa til kynna að öruggasta leiðin sé skoðun hjá lækni, þá færðu upplýsingar og ráð sem hjálpa þér með næstu skref. Ef við höfum ekki lausnina fyrir þig greiðir þú ekki fyrir þjónustuna.

Question 23

Er hægt að fá myndsímtal við lækni?

Accepted Answer

Til að byrja með er þjónustan einungis aðgengileg í formi staðlaðra spurninga frá læknum Fjarlækninga og greiningar á skilgreindum, algengum vandamálum.

Question 24

Hvað ef ég er í lífshættu?

Accepted Answer

Ef um er að ræða alvarleg veikindi ráðleggjum við alltaf skoðun hjá lækni. Fjarlækningar eru ekki fyrir þau sem telja sig í bráðri lífshættu. Í öllum þjónustuþáttum er spurt ítarlega um alvarleg einkenni og um sjúkdómssögu sem gætu gefið til kynna alvarleg veikindi. Ef svo er þá veita Fjarlækningar þér ráðleggingar um hvert best sé að leita.

Styttri leið til læknis með Fjarlækningum í samstarfi við Heilbrigðisstofnun Suðurlands

Hvar er þjónustan virk í dag?

Heilbrigðisstofnun Suðurlands

Heilsugæslan í Vestmannaeyjum

Algeng vandamál leyst með Fjarlækningum

Kvef, hósti og hálsbólga

Þvagfæra- og leggangasýkingar

Getnaðarvörn

Frjókornaofnæmi

Frunsa

Ristill á húð

Risvandamál

Njálgur

Lyfjaendurnýjun

Læknisvottorð

Ferlið frá upphafi til enda

Þú velur erindi af vandamálalista

Þú svarar spurningalista

Rauð flögg könnuð

Læknir metur og leggur til meðferð

Niðurstaða, ráðleggingar og lyfseðill

Heimapróf sem geta fylgt erindinu

CRP-próf

Þvagstix

Strep-próf

Afhverju sjálfspróf?

Svona fer þetta fram í sjúklingagáttinni

Spurningar gefa í ljós hvort þurfi sjálfspróf

Þú sækir sjálfsprófið - klárar þar sem hentar

Þú skráir niðurstöðuna í sjúklingagáttina

Hvenær hentar fjarlækningaþjónusta ekki?

Alvarleg einkenni

Þörf á skoðun eða rannsókn

Frumgreining

Alvarlegir sjúkdómar í sjúkrasögu

Algengar spurningar

Þjónustan

Tilbúin(n) að senda inn erindi?